Nemo 的後花園

唔知做乜鬼，無端端咳，又唔係成日咳，一陣陣咁，一咳就咳餐死，一係就成個鐘都唔咳一聲，做乜呢？尋晚又成村人入公司做，拆哂過年裝飾，咁快又過完年，又搞到四點幾，剩係招呼佢地都散哂！

nemo 呢幾日又忙，又病，攪到唔記得同大家拜年，今日開市補番， Nemo 祝大家：

事事順景 心想事成 身體健康

有K唱K 有機打機

今天早上外出也把 DC 帶上，一時手癢把街景拍下，如果今天有燦爛陽光，那高對比度的構圖效果一定很好！

同大部分香港人一樣，總係忙忙忙，加上早幾日病到死死下，所以冇返呢邊更新。

今日年廿八，洗白白，花左一時間收拾我空間（電腦檯一帶範圍），例如一舊帳單，信用卡單，星散光碟，堆積如山成吋幾厚，平時懶理，又冇人夠攪我野，佢地點知邊有用邊冇，連我自己都未必即刻知，要睇清楚先知。

總算大功告成，要執執哂，唔要唔要，而家靚靚咁過年啦！

食左幾日葯，隻黃腫腳又冇咁犀利，本來應該去打支針，一來唔得閒，二來又想等下食完葯會點，三來公司醫療保唔可以一日睇兩次醫生，所以睇下過年前情況點先啦！

講起過年我公司呢排加時加到暈，做到你成死為止，不過今年年尾份花紅出得唔錯，所以同佢做都做得開心。

又再講番過年，臨尾幾日全部唔俾休假，連我地夜更都要幫手巡邏貨場，巡多幾粒鐘，都會好，平時唔使我地夜更巡喎！不過日更同事都行左成日，大家幫下手俾佢地休息下都應該！

好慘呀，我排到十四號放完假就直落返到廿二號年初五先再有得放假，年初一、二重要返早兩粒鐘，而年三十晚因為封路改道要兜路，又要早返工，好辛苦呀！希望大家要尊重一下大時大節要值班為大家服務之所有行業人，因為有佢地大家先玩得咁開心呀！

星期六我兼職係休息，到夠皮，我係極度唔夠隻，我都唔知我支持得幾耐。不過人係好無奈，我都算好彩，天父知我經濟有問題就俾份我時間我地點兼職我，所以我都唔需要太擔心，天父會睇住我！

今日居然會咁熱！我出汗喎，今朝一放工即刻去睇醫生，醫生話：咦，好犀利喎，要打針喎……（我隻右腳又腫番，發炎呀，所以引致我陣陣發燒。）咁我就話：好呀！點知醫生繼續講：不過我冇呢隻針，咁啦，我寫封信俾你去出面搵個外科醫生同你打啦！

？唔係呀話？介紹我俾第個醫生？咁都得？！