Nemo 的後花園

近期胡鬧事件多不勝數，但係有幾單都幾好笑。

亞視風雲，亞視十ニ日維新變法失敗，王維基被迫下台，亞視淪為笑柄，咁混亂嘅行政，簡直講都唔信！

倪中坑溝小妹妹事件簿，直頭充滿娛樂性，你話條友搞乜鬼？食錯乜藥？周玉女又中左乜嘢邪？明知呢個佬信唔過，都唔係第一次背叛你，不過以前佢可以死口唔認，呢次眾目睽睽下濕啜小妹妹咁樣落你面，你都放過佢，令支持你嘅各方好友極端失望囉。

又講呢個充滿幻想嘅小妹妹，以為憑自己床上功夫了得，可以吸死倪中坑就留得住佢，你都傻嘅，人哋周姨姨手上重有幾個錢未俾倪叔叔搾乾，倪叔叔邊捨得放手，出面大把女，明知唔會長久，重唔趁機鬆人，横掂啅完之後都有啲厭啦，你老母話你喊到死去活來，唔係嘛？你嚟真架？你以為倪叔叔真係好有錢呀？唔好話我知你鍾意佢嘅才華呀，佢有乜嘢才華呀？除左挾著係倪匡個仔之外，好似冇乜建樹喎。你係咪為左原來乜都呃唔到返嚟，條氣唔順而喊呀？抵死丫！立心不良者，個天會收架，知冇？你而家變左人笑柄，等你唔可以咁招搖，返大陸食蕉啦！

近期最九唔搭八嘅廣告系列都可以講得上係香港寬頻嘅光纖系列，一連串九唔搭八，冇乜意識嘅所謂信息睇到你 O 哂嘴，無厘頭到極地，的確又俾到人深刻印象。王維基呢條粉腸每次都可以俾到人‵驚喜′，佢每次嘅廣告驚嚇之處層出不窮，但係又俾人留到印象，俾人鬧無厘頭都無問題，起碼都有人提，咁就達到廣告嘅效果，將訊息傳左入人個記憶度，呢點佢就非常成功。

最近居然話佢入主亞視，真係認真估佢唔到搞乜嘢。其實亞視除左劇集唔掂之外，其他好多節目都好有創意，奈何個電視俾的師奶控制左，一啲另類節目變左做得好都冇人睇，但係又唔知點解，亞視嘅劇集總係好怪，無論情節上同節奏上都好似跟唔到香港嘅節拍，間中有佳作都因為冇人知而導至收視偏低，講到配音就簡直差到唔想睇，情願用番原聲睇字幕。

亞視嘅最強係新聞節目，睇新聞我最喜歡睇佢，希望新上場嘅新聞部嘅話事人能夠做得好過以前。