Nemo 的後花園

立法會俾幾個惡人入左去，到立法會復會時就精彩咯！有時對佢哋真係又愛又恨，恨佢吔經常引起一啲無謂嘅爭抝，成日嘈嘈閉冇益冇建設性，明知特區政府無能為力去改變嘅政制改革，但係為左爭取眾人目光，爭取曝光指數，經常喺議會上爭抝，可以叫做嘩眾取寵。但係另方便又好喜歡佢哋對政府施政嘅缺失窮追猛打，絕唔俾庸官蒙混過關，唔係得建制派所謂顧全大局，會輕輕放過曾蔭權政府，香港實左需要一班切切實實去監察政府運作嘅人，佢哋又確實做到呢點。

所以話佢哋入到局都好，雖然未能夠癱瘓政府，令政府成為跛腳鴨，但係都可以造成大量噪音，令市民關注。希望佢哋喺呢四年裡面多做實質上嘅嘢，唔好搞其他小動作，咁就係小市民嘅福祉！

幾日都冇寫過嘢，今日得閒小小就寫番兩句，不過唔係呢度，過隔籬我其他個地盤睇下啦，如果唔係邊有咁多話題呀！http://hk.myblog.yahoo.com/aelynnus881/

大鑼大鼓，投票日又嚟到喇，我都會去投票㗎，我去投票唔係想投俾我想佢當選嘅人，而係投俾我最唔想佢當選嘅人之主要競爭對手，希望佢嘅對手贏多佢一票得一票，喺比例代表制嘅選舉形式下，雖然係名單第一位夠票出，但係餘下第二個位就要好努力咁爭取！

以我港島區為例，第二位出線嘅選情十分激烈，要全取兩票真係要睇啲游離票出唔出嚟投同埋投俾邊個。以我為例，我雖然未必咁強烈支持阿某某張名單，但係我非常厭惡係哋個對頭人，討厭佢哋行事作風，口講民主，自已黨內都冇民主，自已黨內都四分五裂，黨裡面啲人亦都醜聞多多，而家只係剩返個爛招牌充撐場面。嗰個通番賣國，自跨係香港民主教父嘅表面上退左落嚟，但係重喺後面指手劃腳，垂簾聽政，你話呢個黨重有乜前途？難怪其他人唔放佢哋在眼內，人人都想去搶佢票啦！如果其他人唔分薄佢哋嘅票，佢哋使乜咁早就大叫告急丫，佢哋肯定頭兩件齊出啦！

我好毒㗎，我望佢哋死，望佢哋個陣營互片，死傷枕藉，自已削弱自已力量，眼白白咁失去議席，自食惡果，點解唔撿討一下策略，無謂爭抝實在太多，明知不可為重強行爭抝，為的唔係成事，只係為左爭取話題，爭取爆光，實在令人厭倦！

或者你唔同意我所講，社會係需要反對聲音，但係反對聲音唔等於燥音，冇益冇建設性嘅嘢我哋唔需要，俾個教訓佢哋，食老本會坐食山崩，佢哋應該調整一下佢哋嘅路線，爭取一啲例如我，唔喜歡激進路線嘅人喎！

無論你支持乜嘢理念，即刻唔好再坐喺電腦面前，馬上去投票，表態支持你想香港變成點，或者唔想香港變成點！

今日繼續講吓香港星期日個立法會選舉，未選經己爭議連連，呢個狗餅鍾庭耀認真 狗唔搭貓 佢話打算喺投票當日晨咁早就分幾個時段公布票站調查統計數字，結果招惹是非，各方便都大肆評擊，話佢咁做就會擾亂各候選人嘅部署，到底鍾庭耀為左乜今次要咁出位呢？係咪要搏多啲 注意力 呢，係咪不甘寂寞呢？原本佢喺學術界都有啲名聲，其實唔使靠呢招出位，抑或佢受人指使呢？即係話資助佢呢次票站調查嘅機構係幕後黑手呢？（當然冇人認，兼夾當事人都要暗啞坻，唔通話俾人知係老細想咁做咩？）

呢個龜公耀俾人鬧左一日之後即刻 縮陽 ，話唔再晨咁早分時段公佈數字喎，係丫嘛，做埋啲冇意義，又擾亂人思緒嘅嘢，就係貪你夠權威性先請你做調查，係俾事後分析丫嘛，唔係叫你去嚇人丫嘛， 但係又會有幾多人會講真話呢？咁多年投票我都唔對啲調查員講嘢，我相信好多人都一樣，咁所謂調查嘅可信性又有幾高呢？

不過今次選戰都算激烈，所謂建制派同泛民派又爭，泛民派內部又互相撕殺，互相踐踏，真係慘不忍睹咯！

見到美國共和黨總統候選人 麥可恩就想嘔，你估你係 列根 咩，就嚟變阿伯啦，就算俾你選到都冇氣競逐連任喇！ 奧巴馬 嘅囗號係 CHANGE 就係要改變，選阿老麥出嚟咪又係阿 布殊 呢套，係時候轉一轉庄，睇下點重好，橫掂共和黨都搞衰美國咁耐，俾民主黨試下重好啦，斷估唔好再衰落去啩！

又關於星期日香港立法會選舉嘅睇法聽日再講！不過好奇怪，到今日都冇收到投票通知書，但係就塞滿其他選舉垃圾，咁即係乜呀？你俾我資料啲候選人，人哋寄嘢俾我，就你唔寄俾我，家吓乜嘢態度？

好歌不厭百回聽，就靜心收聽吧！

幾個月冇登入過呢個後花園，搞到雜草叢生，害蟲處處，幾驚好似赤柱咁成棵樹俾蟲蛀壞左。唔係話唔想日日返嚟，不過嫌呢便要搞裝修會好麻煩，太千篇一律我唔多鍾意，要攪嘢又好麻煩。近排我重新整理我幾個不同嘅 blog，好似呢度咁，我又入嚟剪草除蟲。我已經將我其他 部屋、渡假屋 等等都打左入「我的連結」如果你見唔到我返嚟，咁你可以 click 入我其他連結度探我！

不過呢度係我後花圉，我努力改建緊我嘅後先園，俾啲時間我！